طريقة عمل الوجبة المشهورة طبق الكشرى المصرى

الكشرى المصرى تحفة لاتجد احد يمل منه وبالرغم من انه ليس بالسهل اعداده فهو يحتاج وقت لتخرج بحلة كشرى تؤكل فى نصف ساعة النهارده حركز على سلبيات اللى بتقع فيها كل واحدة مننا مثل الارز يعجن او البصلة متكونش مقرمشة او الصلصة مش زى بتاعة المحلات نبداء الارز علشان ميعجنش نعملة بالزيت مش بالسمن ويمون الزيت اللى متبقى من تحمير البصل
نقطة تانية علشان البصل يكون مقرمش حنعمل ايه اولا نقطع البصل حلقات رفيعة زى الشيبسى ونرش عليه ربع معلقة شاى ملح ونقلبه ونسيبه شوية وبعدين نعصره علشان نخرج المياه منه ونحتفط بالمياة دى حقول لكم نعمل بيها ايه بعدين
الحمص يكون منقوع من بالليل
انا بعمل الارز بالشعرية بس بكتر الشعرية فيه ولكن اللى بيحب الشعرية منفردة هو حر يحمر شعرية ويفلفلها
الصلصلة نوعان نوع عادى نجيب الصلصة او معجون الطماطم ونسخن الطاسة ونضيف عصير البصل اللى انا قلت عليه سابقا تمام وبعدين نضيف الطماطم ونقلب ونضيف مكعب مرقة وتوابل وملح حسب الرغبة
الطبق التانى اسمه الدقة بنحمر معلقة توم ونضيف عليها الخل ونضيف الصلصة ونقلب ونضيف الماء حسب التخانه وممكن نضيف الشطة حسب الاحتياج  

المقادير:
أرز - عدس بجبة- بصل للتحمير – علبة صلصة -حمص- مكرونة ( الكميات حسب العدد).

الطريقة:
يحمر البصل فى زيت ثم ينشل ويوضع جانبا ويطبخ الارز مع الشعيرية ويضاف اليه جزء من الزيت الذى تم تحمير البصل فيه ويسلق العدس على حدة، ثم يصفى ويضاف اليه جزء من زيت تحمير البصل ويقلب على النار ويسلق حمص على حدة ثم تسلق المكرونه وتصفى ويضاف اليها جزء من الزيت الذى تم تحمير البصل فيه.

الصلصة : يحمر الثوم في الزيت حتى يصبح لونه ذهبيا، ثم يضاف اليه ملعقتان من الخل وعلبة صلصة طماطم.

وتوضع طبقة من الارز مع الشعيريه وفوقها طبقة من العدس وفوقها طبقة من الحمص ثم توضع الصلصة ويرش البصل المحمر فوق الوجه