أذاعت فضائية "الجزيرة"، تسجيلاً صوتيًا جديدًا، للفريق أول عبدالفتاح السيسى وزير الدفاع، ضمن سلسلة التسريبات التي تنشرها القناة خلال الفترة الأخيرة.
ويتضمن التسريب الجديد، نشر جزء من حوار الفريق السيسى مع الكاتب الصحفي ياسر رزق، والذي تحدث فيه عن التعديلات الدستورية.
وقال السيسى، وفق التسجيل الصوتي: "النهاردة الناس كانت كلها بتقول تعديلات دستورية.. اسمع يا أستاذ ياسر.. عبقرية القرار جاية من إيه.. عاوز تقول اللي أنت بتقوله ده عبقرية ده؟.. نعم.. بس مش عبقرية القرار جاية من إني عبقري.. لا من اللي أنا بستلهم منه القرار".
وأضاف: "هل النهارده العقد اللي اتعمل اللي تم تقديمه للناس في 3-7 كان إيه؟ تعديلات على إيه؟ .. فأجاب رزق: "على الدستور"، وأكمل السيسي: "كويس".. بعد كدة تطفيف في الميزان.. أنت بتطفف ليه فى الكيل بتاعك؟ أنت كان منتهى أملك إنك تعمل تعديلات دستورية.. ليه لما اديتك إيدى رحت واخد التانية.. لا أنت كان الأمل كله إن إحنا نعمل تعديلات دستورية تخلى هذا الدستور يقدر يبقى منسجم مع المصريين، مش كدة يا أفندم؟.
وأكمل: "لما جاتلك الفرصة، واتحط الدستور قدامك، أنت قلت لا بلاش ده واعمل واحد جديد.. ليه بتطفف الميزان؟.. هو ده عبقرية القرار أنه متعملوش ده ليبوظ منك.
واستطرد السيسي: إنت طالب مطالب معينة، وطالما أنت ارتضيت بيها ..محدش فينا يلتف حولين منها.. حتى لو كان اللى قدامنا مش واخد باله إن احنا بنلتف..ليه؟ فيرد السيسى: "هيبقى عمل ناقص أو منقوص مطروح منه الخير، لأنك إنت ضحكت عليا عشان استغليت جهلي".
