بعد لقاء المشير السيسي قائد الإنقلاب مع الإعلامية لميس الحديدي والصحفي ابراهيم عيسي اشتعلت مواقع التواصل الإجتماعي الأشهر لدي المصريين فيس بوك وتويتر للسخرية مما جاء في اللقاء فاتنوعت ردود الأفعال فهمنهم من قام بعمل ريمكس غنائي بصوت السيسي وبعض كلماته مثل "مش قادر أديك" ومنها من استقطع اجزء من الحوار ليعرضة والإستهزاء من صاحبة ولكن تأتي الهاش تاجات في الصدارة دائما كرد فعل حيث ظهر هاش تاج #قوم_ركبلك_لمضة وايضا هاش تاج #قدم_حلول_كأنك_السيسي والذي تصدر تويتر كالأكثر استخداما لأكثر من ثلاث ايام علي التوالي قام المشاركون فيه بعرض حلول استهزائية للمشاكل الأكثر تداولا في البلاد تتشابه فيها حلولهم مع الحلول الهزلية لقائد الإنقلاب حيث جاء فيه
بعض تعليقات مشاركي الهاش تاج علي تويتر :-
ميكي "لو كل رضيع وفر راضعه واحده بس فى اليوم عشان مصر ...البلد فى خلال فترة بسيطة هتشهد اذدهار..."
وطارق حسن "نشيل لمبةالحمام اللى داخل مش هيعرف ياخدراحته قوى وهيخاف لحاجه تلبسه وبكده نوفر كهرباوالناس تتلبس ونخلص منهم ومن قرفهم"
ومروة سعيد . نجيب بطيخه ونقسمها شقق وندي كل شاب شقه وبكده نكون حلينا مشكله الاسكان"
ومحمود المهدي "بدل حلايب وشلاتين خليها حليب واحد وشلتونه واحده وعشان كدا اسراف 3:)"
وأحمد منصور "حزب النور ايد السيسى وبيدعمه لماذا لا يوفر النور ترشيدا للكهرباء لمزيدا من الدعم للسيسى وحلا لازمه الكهرباء بمصر"
ونادر السيد " ليه تجيب iPhone 5s لما ممكن تجيبه S واحده و تخلي ال4 التانيين عشان مااسر !"
ورامي الورافي " في دولة اسمها جمهورية مصر العربية طب ما نخليها "جمهورية مصر" بس والعربية نديها لشاب عاطل..."
ودكتور عزيز " الحاجة اللي نفسك فيها وموش من حقك؟؟؟انقلب علي صاحبها واخطفها منه...سيارة؟؟اخطفها...زوجة...اغتصبها؟؟اخطف الرئيس واحبسه"
كما شارك الدكتور ايهخاب مسلم قائلا "هنحسن الاقتصاد باننا نحتل ليبيا وناخد البترول ونحتل السودان وناخد الأرض الزراعية ونحولهم لصباع كفتة نديه لاسرائيل هدية"
وحازم بركات "ايه يعني لما الطلاب يوفروا و يمتحنوا كلهم في ورقه واحدة .. عشان نوفر الورق لمصر "
وسيد "قلبك فى بطين ايمن وبطين ايسر ..مش حاسس انهم عبء عليك ..سيب واحد لمصر ...مصر امك بتناديك يا روح امك انت و هو "
ومصرية قوي " لحل مشكله سد النهضه نتوجه لستات اثيوبيا ونبعت لهم المتحدث العسكرى يقولهم يقولوا لأزواجهم مايتشغلوش فى السد"
ومني سلامة "الستات في البيوت لهم دور بدال ما تولعي النور ولعي فجوزك ووفري عشان ماااااااااااااااسر"
وعبد اللرحمن سنبل " كل مواطن رايح شغله بالميكروباص ياخد أخوه المواطن على حجره.. الميكروباص هيشيل 28 راكب انتا متخيل هنوفر سولار قد ايه ؟!"
وعمرو عمر "لما تشرب شاي فتلة ما ترميهاش.. سيبها تنشف واستعملها تاني..
ولو شاي سايب.. جمعه واعصره ونشفه.. وكله عشان مااااسر"
والأدهم "احنا نأجر الجيش بدل ما هو قاعد عواطلى كدا
ال عاوز كتيبه يدفع وانا اديله الكتيبه وامها"
كما جائت تعليقات المشاركين في الهاش تاج علي الفيس بوك كالآتي
طائر النورس "لميس: تخيل سيادتك لو صحينا من النوم الصبح لقينا كل مؤيدي اﻹنقلاب ماتوا؟! السيسي: شوفي ساعتها هنوفر كام طن برسيم "
وهابي جيرل "بلاش عند التهنئه تقول 1000 مبروك هي مبروك واحده كفايه وبكده نقدر نوفر وكله عشان ماسر "
وأحمد مودي "بدل ما تغسل شرابك ف الغسالة وتستهلك كهرباء وميه أقلبه ع وشه التانى والبسه كأنه نضيف وبكده وفرنا كهرباء وميه وتخيل لو كل اسرة اشترت جزمة واحده بس اللي خارج يبلبسها شوفوا هنوفر مصاريف قد ايه"
ومحمود بركات "أول حاجه احنا هنلغي كليات الطب و طب اسنان و صيدله و ندمجهم
فى بعض و هنسميها كليه الصحه تلت سنين يا ريس و ننجز العيال
دي بتصرف جامد كورسات وتصوير ورق و تاجير شرايح وعضم
و فلوس للعيانين ومواد كيميائيه فى سكاشن البيو نص ميزانيه الدوله
رايحه عليهم يا ريس ..
نوووفر علي الدوله كل ده و نوفر على اهاليهم تلت سنين نخرج الطالب
وتغاضيا هنسميه دكتور عشان منظرنا فى العالم و نرميهم بقي باللوكشه
عشره خمساتشر واحد فى الوحدات الصحيه ..
ولا هنسمع بقى عايزين كااادر ولا تحسين الخدمات الصحيه ولا الهري ده
عارف يا ريس السؤال اللي بيدور فى دماغك و الممرضات هنوديهم فين
دول يا ريس هنبعتهم مدينه الانتاج الاعلامي يعملو اعلانات و مسلسلات
عشان رمضان"
وماهر عسل "احنا نلم الشعب كله في معسكر في الصحراء الغربية
ونخلي الشعب كله يفضل واقف في الشمس
طبعا الشعب هاينزل منه غرق كتير
وكدا نحل ازمة المياة "
وأيمان محمد "ليه نعمل محطات عشان نولد الكهرباء . مانجيب داية تولدها في البيت وخﻼص .. "
وأحمد عبدالله "إحنا هنوزع مليون طيارة ورق على مليون شاب، وبالحب هانخلي الشركات الكبيرة تأجر المساحة الإعلانية على الطيارات الورق دي .. هايطلعوا يحاسبو..."
وعلاء "ليه تحلم لما ممكن تسرق حلم غيرك "
كما قام المشاركون بنشر صور كوميدية للتعبير عن الحلول منها
