بدون هيشان وبدون تقصف وبدون تجعد يعنى يبقى زى بتوع الاعلانات اللى دوشينا بيهم فى التلفزيون .
وكلنا سمعناا على Keratin كيراتين اللى هو معالج لمشاكل الشعر وبيخلى الشعر مفرود بس مشكلته فى حجتين ان مش كل اللى موجود فى الاسواق نوع اصلى وبمجرد ما تستخدميه يخلى الشعر حلو فتره وبعدين شعرك يرجع اسوا من الاول وفى نوع ممتاز بس دا بيكون غالى قوى ممكن يكلف 2000 ج .
طيب اقولك على وصفه مجربه بجد واعرف ناس عملتها فعلا ونتيجتها ممتازه تفرد شعرك وتعالجه من الهيشان .
بس بشرط الاستمرار عليها لمده 3 شهور لان دا علاج ومعلش اصبرى علشان تبقى راضيه عن شعرك وهتدمنيه وهتحبيه لما تشوفى نتيجته فى اول هتستعملى فيها الماسك دا لعلاج مشاكل الشعر .
ماسك الموز بالبيض لفرد الشعر وعلاج هيشان الشعر والتقصف
المكونات
موزة مستوية ومش مستوية يعنى بايظة وماتكونش صالحه للاكل
وفى نفس الوقت مش خضرا ودا عشان الموز بينعم الشعر اوى
بيكون شكلها كدا صفار 2 بيضة صفار البيض غنى جدا بالبروتين اللى الشعر محتاجة
بيض يع دا البيض هيخلى شعرى رحته لا متخفيش البيض ملوش اى ريحة بالعكس الماسك دا ريحتة بالموز
تاخدى الموزة وصفارالبيض وعلى الخلاط تضربيهم كويس جدااا جداا لحد مايبقوا كدةوممكن تصفيهم علشان الياف الموز ما تلزقش فى شعرك
تكونى بقى غاسلة شعرك كويس جدا ويبقى نضيف زى الفل
وتبدأى توزعى الخلطة دى على شعرك وابدئى من الجذور لحد اللاطراف كويس
بعد ماتخلصى تحطى بونية او كيس على شعرك وتربطى طرحة عادى وتسبيها ساعتين
وبعدين ادخلى اشطفى شعرك الاول بالمية كويس جداا
وبعدين تغسلية بالشامبو الطبى وكمان خففيه بميه واغسلى بيه مرة واحدة
بس كدة ونشفى شعرك بالراحة واستنى شويه وسرحى شعرك بعدين وشوفى النتيجه
وكمان يا سلام بقى لو لفتيه دوامه او طقيه او كعكه لقدام مش هتسدقى ان دا شعركوكمان تانى
وصفه طبيعيه لتنعيم وترطيب وفرد الشعر
1 الموز (يحتوى على البوتاسيوم يخفف من تقصف الشعر) 1 بيضة (مرطب) 3 ملاعق طعام من حليب جوز الهند (لتقوية بصيلات الشعر) 3 ملاعق كبيرة من العسل (مرطب طبيعي) 5 ملاعق طعام من زيت الزيتون (مرطب جيد جدا)
تخلط كل المكونات وتستخدم زى الوصفه اللى قبل كدا ملحوظه مهمه الوصفات دى انا جمعتها من مواقع عربيه واجنبيه وشوفت كل الستات العرب والاجانب بيشكروا فيها قوى قوى يعنى عليها موافقه بالاجماع بس اهم حاجه تعملى الماسكات دى مرتين فى الاسبوع واعتبرى نفسك بتاكلى شعرك وبتغذيه اهتمى بيه كانه عيل من عيالك ونفسك تشوفيه دكتور قصدى طويل وناعم وسايح ونايح فشر الاجانب |
