بالفيديو...عكاشة يؤكد للمرة الثانية: "والله العظيم الإخوان راجعين للحكم" ولو رجعوا هيعدمونى

تداول نشطاء علي مواقع التواصل الاجتماعي فيديو للمذيع توفيق عكاشة - يؤكد للمرة الثانية - خلال يومين، أن جماعة الإخوان المسلمين ممثلة في الرئيس السابق مرسي عائدة للحكم قريبا . وقال عكاشة لمشاهديه : للأسف نفسكم قصير .. والكلام اللي هقوله لو منفذتهوش الله يسهلكم بعيد عني ووقتها هقفل القناة وأبقي انا كدة عملت اللي عليا وانتوا عايزين تدمروا نفسكم للمرة التانية وانتوا احرار دمروا نفسكم وموتوا نفسكم وانتوا اصحاب القرار. وأضاف : نفسكوا القصير هو اللي هيدمر البلد وهيرجع الإخوان المسلمين تاني وانا بقولكم أهو : الإخوان راجعين راجعين .. وهيرجعوا بسرعة لو مسمعتوش كلامي .. وأردف: والله العظيم هيرجع الإخوان المسلمين مرة تانية لو مسمعتوش كلامي .. وأنا بقي إذا رجع الإخوان هيعدموني وأول ما احس انهم راجعين بنسبة 70% هقفل القناة وهروح أقعد في بلدنا كافي خيري شري وماليش دعوة بحد أبدا.