متكسفناش لما بنشوف الصاحب الي مكنش صاحب .. و ندقق ف صفاته عشان يكون صديق
متكسفناش لما بنصحي نحكي الحلم لو اهبل .. عشان يدينا احلام تانية و يبقي بحق و حقيق
متكسفناش عشان لسة فينا الروح .. و لما طيف حد بيروح بنحكي عشان الذكري عليه بتجوز
متكسفناش عشان دمعة في عز العين... تنزل وتتحاكي بين نفسين
متكسفناش لما بنسمع غنوة.. و تلاقي اسم الي بتحبه بين كلمتين
متكسفناش لما قلنا لاي حاجة لأ..عشان كانت ظلم و اختلطت بين حكايتين
متكسفناش عشان عملنا حاجات غلط كتير .. بس النفس الي صارحت عشان الغلطة متبقاش غلطتين
متكسفناش عشان لو متكسفناش هنموت ..
و تفرق الكسفة بين وش بيسقط قناع
ووش من كتر ماهو اتكسف بيموت !
