أهم الأخبار : :

عذرا سيادة الرئيس .. أخرجتنى عن صمتى !!

DEYARBNEGM السبت، 2 فبراير 2013 | 12:49 ص

د/شيماء مختار
عذرا سيادة الرئيس .. أخرجتنى عن صمتى !!
انا ماليش فى السياسة ولا بحب ادخل فى نقاشات سياسية ليس لها اول من اخر يعنى معنديش اى خبرة سياسية بس بتابع الاخبار وبسمعها زى اى حد عادى
ولكن ...
انا مبقتش حاسه ان عندنا رئيس ..بلدنا مبلقهاش كبير !!
صوتى كان ليه وكان لحزبه قبل كده بس للاسف لم أرى منه ولم ارى من حزب الحرية والعدالة أى شئ !! مفيش يوم من اول حكمه حسيت انه واحد مننا من الشعب العادى .. توقعت غير كده وتوقعت مع اول خطاب ليه باهلى وعشيرتى اننا هنحس بكده فعلا هنسمعه دايما هنشوفه كتير بيتفاعل مع كل الاحداث بيتحرك ويكون وسط اهله وعشيرته زى ماقالنا بيدافع عن الحق بقوة ولكنى للاسف لم أرى ولا أشعر بذلك مطلقاً !!
انا مش منتظره منه اننا نشوف تغييرات جذرية فى شهور بس كان نفسنا نحس باى حاجة ايجابية .. مليونيات الاخوان اللى بيعملوها لو كان دعا ليها انها تتعمل مليونية لمحو أمية مصر والله كانوا هيقضوا على الامية فى يوم !! كان نفسى أحس باى تغيير بأى تنمية بتحصل حتى ولو بسيطة !!
لم ارى غير الدماء وناس بتموووت كل يوم والتانى وناس لسه بتتسحل من الشرطة !!
سيادة الرئيس ... انت المسئول الأول والأخير عن كل مايجرى من الأحداث ودماء المصريين اللى ماتوا فى عهدك فى رقبتك فكلكم راع وكلكم مسئول عن رعيته !!